DÍA DA ÁRBORE

Este ano, coma todos os anteriores, celebramos o Día da Árbore coa participación de todo o alumnado e profesorado do colexio. O acto tivo lugar o 19 de marzo, pero antes dese día traballáronse nas aulas as unidades didácticas elaboradas ao efecto pola Área de Medioambente da Deputación Provincial. Neste día fíxose a prantación dun acevo doado polo organismo provincial. O acto tivo lugar ás 12:00 horas ao que asistiu a Deputada provincial e responsable da Área de Medioambiente, Dª Sonsoles López Izquierdo.

Visita ao MUSEO

Esta semana os nenos e nenas de Infantil fomos ao MUSEO PROVINCIAL de LUGO.
Alí os grupos de 3 e 4 anos fixemos un puzle xigante coa obra "A escola de Doloriñas", da pintora lucense Julia Minguillón, mentras que o grupo de 5 anos fomos de "safari" polas distintas salas do Museo buscando animais que estaban agochados nos cadros. Foi xenial!!

O NOSO ENTROIDO

Mostra dos traballos realizados por algúns cursos de primaria sobre as distintas personaxes típicas do Entroido en Galicia.

POESÍA POR UN TUBO!!!!

Os rapaces e rapazas do Ies Pedregal de Irimia fixéronos unha visita moi especial na que recitaron ao alumnado poesía en galego.

Actividades do 1º trimestre

Dende o Equipo de Normalización e Dinamización Lingüística organizamos unha serie de actividades con unha gran acollida por parte do equipo docente do centro, estas imaxes pertencen á Exposición terrorífica do Samaín, e o concurso " O meu desexo neste Nadal" de postais navideñas.

No Nadal

Isto é unha pequena mostra das actividades que fixemos no Nadal: Fomos a Correos levar as postais que fixemos para os nosos compañeiros de clase, participamos no Festival coa nosa "Árbore dos desexos " e cantando unha panxoliña, e recibimos con moitos nervos a PAPA NOEL, que chegou cargado de agasallos para tod@s!!

OBRADOIRO MUSICAL